El Farho Xixón Baloncestu entamó'l "play-off"ganando

"El Farho Xixón Baloncestu ganó'l primer partíu de los ""play-off"" d'ascensu col Almería pol resultáu de 91 a 76. L'alcuentru foi de claru dominiu xixonés dende l'entamu y namás tuvo debaxo nel marcador una vez nel segundu cuartu, 38 a 39.

Les ventayes locales llegaron a ser de dieciséis en dellos momentos del caberu cuartu. El segundu partíu va a xugase'l sábadu que vien n'Almería y si fuera necesario xugase'l tercer alcuentru sedría'l martes 27 de nueves en La Guía. No tocante al pagu de les trés mensualidaes que se-yos debe a los xugadores entá nun se solucionó.

Entamó d'una manera espectacular y mui acertáu nel tiru esterior el Farho Xixón Baloncestu, metiendo cinco triples siguíos y con ello garró una ventaya de doce puntos, 21 a 9. Curtis Bobb yera imparable y encestó cuatro triples siguíos, metiendo nesti primer cuartu 22 puntos y siete triples. Los locales llegaron a tener una ventaya de trece puntos, 26 a 13. A lo cabero'l periodu'l resultáu yera 34 a 24.

Nel segundu periodu los asturianos emprimaron mal y nos cinco primero minutos namás que metieron cuatro puntos por once del contrariu, ello llevo a que los almerienses se metieran nel partíu y se punxeran delantre nel marcador con un 38 a 39. Amás coincidió colos momentos nos qu'Elorduy dio descansu a Jandl, que taba llevando mui al equipu, y a Bobb, que nel primer periodu machacara l'aru andaluz. Volvieron al campu y los locales volvieron a ponese delantre y finar el cuartu con cinco puntos de ventaya, 46 a 41.

Tres el descansu'l Farho Xixón Baloncestu salió fuerte y bien ceo garró una ventaya de doce puntos, 58 a 46. La diferencia nel marcador movíase ente los diez y ocho puntos y finó con trece, 65 a 52, tres un triple de Bobb y una canasta de Kiefer.

Nel caberu cuartu la ventaya enanchóse y llegó a los dieciséis puntos en delles ocasiones y nun baxo de los ocho puntos, con David Jandl, con ocho puntos, y Matt Kiefer, con siete, tirando del equipu xixonés. Los xugadores locales más destacaos foron Curtis Bobb (25 puntos, 6 rebotes y 4 asistencies), Matt Kiefer (con dobles figures -22 puntos y 13 rebotes- y 6 faltes recibíes) y David Jandl (10 puntos, 5 asistencies y 5 balones recuperaos). Nos almerienses los más destacaos foron Tirria Pearson (17 puntos y 6 rebotes) y Antón Savitski (15 puntos y 5 rebotes).

Ficha técnica:

Farho Xixón Baloncestu:
David Jandl (10), Curtis Bobb (25), Adrian García (5), Matt Kiefer (22) y Brandon Wolfram (15). Tamién xugaron: Peter Rajniak, Chus Pineda (4), José María Balmón (2), Sony Vázquez (5), Rubén Suárez, y Logi Gunnarsson 83).

Deportes Blanes-BS Hoteles Almería:
Javier Zalvide (2), Jesús Castro (16), Paco Rueda (8) Adrián Tigert (4) y Tyray Pearson (17), Tamién xugar:Roberto Rueda (11), Antón Savitski (15), David Mesa y Juan Carlos Liñán (4).

Árbitrios: Jacobo Rial y Jordi Feixa.

Nel Farho Xixón nun hebo xugadores eliminaos por cinco faltes personales, nel Almería foron eliminaos Jesús Castro (minutu 37) y Paco Rueda (minutu 39).

Primer partíu de los cuartos de final de los ""play-offs"" de la Lliga Adecco LEB Plata, cola asistencia d'unes ochocientes persones.

Parciales per cuartos: 34,24, 12-17, 19-11 y 26-24."