El Principáu "nun quier crear conflictos con otros territorios" no tocante a la financiación

"La conseyera d'Alministraciones Públiques y vocera del Gobiernu, Ana Rosa Migoya, afirmó esti miércoles que'l Principáu ""nun quier crear nengún conflictu con nengún otru territoriu"" namás ""defender los intereses d'Asturies"", na negociación del nuevu modelu de financiación.

Asina, la vocera indicó que lo que persiguen ye llograr que'l Principáu goce nos próximos años d'un sistema de financiación que siga permitiendo dar servicios de calidá a los ciudadanos y que seya un modelu de financiación nel qu'haya igualdá ente los territorios.

Migoya, qu'ofreció una rueda prensa pa dar cuenta de los alcuerdos adoptaos nel Conseyu de Gobiernu, manifestó que l'Executivu asturianu ya dexó amosada la so postura no referente al nuevu modelu de financiación n'abondes ocasiones. ""El documentu nel que la Conseyería trabaya ye'l qu'espeya los argumentos na defensa de los intereses d'Asturies"", dixo la vocera del Gobiernu, qu'añadió que pal Principáu un modelu de financiación nun tien d'espeyar el criteriu de la población como l'únicu pa midir los recursos a recibir."