Les Orquestes infantiles y xuveniles de Venezuela, Príncipe d'Asturies de Les Artes

"Les Orquestes infantiles y xuveniles de Venezuela, fueron galardonaes col Premiu Príncipe d'Asturies de Les Artes, fallu que se dio a conocer esti mediudía nel Hotel Reconquista d'Uviéu.

Nel acta, que foi lleída pol presidente del xuráu, José Lladó Fernández-Urrutia, sorráyase que'l sistema d'orquestes creáu por José Antonio Abreu, en collaboración con figures reconocíes universalmente, forma a direutores ya intérpretes d'altor a partir de ""una confianza decidida nel valor educativu de la música pa la dignidá del ser humanu"".

La candidatura de les Orquestes Xuveniles ya Infantiles de Venezuela impúnxose a les del arquiteutu Tadao Ando y la del compositor francés Pierre Boulez, que tamién llegaron a les deliberaciones finales del xuráu. En total fueron 28 candidatos procedentes de 15 nacionalidaes.

La candidatura foi propuesta por Fernando Masaveu, presidente de la Fundación María Cristina Masaveu Petegrson. Ente los apoyos que recibió taba'l de Jesús López Cobos, Premiu Príncipe d'Asturies de les Artes (1981); Enrique Iglesias, secretariu xeneral Iberoamericanu y Premiu Príncipe d'Asturies de Cooperación Internacional (1982); l'Orfeón Donostiarra, Príncipe d'Asturies de les Artes (1984); asina como de Daniel Barenboim, Príncipe de La Concordia 2002. D'otru llau la candidatura tamién foi sofitada pol ministru d'Asuntos Esteriores del Gobiernu d'España, Miguel Ángel Moratinos; l'embaxador d'España en Venezuela, la Royal Philharmonic Orchesta de Londres, la Federación Mundial d'Orquestes Amateur de Xapón, la Compañía Nacional d'Ópera de Venezuela y l'embaxador de Venezuela d'España.
Ésti ye'l primer galardón que se falla de la vixésimu octava edición de los premios. L'añu pasáu, el xuráu acordó otorgar el premiu al músicu Bob Dylan.

El xuráu encargáu de fallar el galardón tuvo integráu por Fernando Argenta, Juan Cruz, Fernando Delgado, Lourdes Fernández, Jorge Fernández Bustillo, José Fernández Bustillo; José Fernández-Velasco; Carlos Fitz-James Stuart Martínez de Irujo; José Luis Garci; Guillermo García Candau; Rosina Gómez Baeza; Juan Carlos Laviana; José Lladó Fernández-Urrutia; Kely Méndez Riestra y Miguel Muñiz. También formaron parte del xuráu Marisa Paredes; Beatriz Pecker; Benigno Pendás García; Juan Ramón Pérez Las Clotas; Encarnación Rodríguez Cañas; Patricia Urquiola; Amelia Valcárcel, Maximiano Valdés y José Antonio Caicoya.

El premiu ta dotáu con 50.000 euros, la escultura creada y donada espresamente por Joan Miró, un diploma y una ensinia acreditativa."