Detienen al supuestu "númberu ún d'ETA" en Francia

"La Guardia Civil y la Xendarmería francesa detuvieron esta nueche a cuatro miembros d'ETA cerca de Burdeos, nel sur de Francia, ente ellos Francisco Javier López Peña, conocíu pol nomatu de ""Thierry"", númberu ún de la banda, nuna operación escontra l'aparatu políticu d'ETA.

Los deteníos, amás de ""Thierry"", consideráu poles Fuerces y Cuerpos de Seguridá del Estáu como l'actual ""númberu ún"" del aparatu políticu d'ETA; son Ainhoa Ozaeta, la supuesta etarra encargada de lleer el comunicáu nel que la banda terrorista ETA anunció'l final de la tregua; Jon Salabarria, un ex parlamentariu vascu de la ""izquierda abertzale fugáu"", ya Igor Suberbiola, fugáu de la xusticia y militante de Jarrai y Haika.

La operación llevóse a cabu sobre les 23.30 hores, a pesar de que llexislación francesa prohibe esti tipu de detenciones demientres la nueche, a nun ser que tea cometiéndose un delitu d'u mou evidente. Sicasí, el fechu de que los cuatro supuestos etarres tuvieran aconceyaos como comiembros d'una organización illegal, una circunstancia que s'incluye como delitu evidente, aceleró les detenciones.

Los cuatro supuestos miembros de la direición d'ETA llevaben delles pistoles nel momentu del arrestu, armes que, según fontes de la investigación, nun llegaron a usar."