Carmen Gómez Ojea presenta'l so últimu llibru nel Atenéu Xovellanos

"La sede del Atenéu Xovellanos acueye esti miércoles, a partir de les 19.30 hores, la presentación del llibru ""El último verano de Chareton"", de la escritora Carmen Gómez Ojea.

La escritora ye llicenciada en Filosofía y Lletres pola Universidá d'Uviéu, collaborando anguaño en delles publicaciones y revistes. La so primer obra, ""Las manos inútiles"" (1966), foi finalista del Premiu Novela Curtia del Atenéu de Xixón.

Anque les más de les sos obres (""Pentecostés"", ""En la penumbra de la cuaresma"", ""La niña de plata"" o ""Betsabé nunca duerme"") tán escrites en castellán, tien espublizaos dellos exemplares de lliteratura infantil y xuvenil n'asturianu.

Nel llibru ""Sentir que toi viva"" espublizáu con motivu de la Selmana de les Lletres Asturianes 2008, alcontrábamos esti microrellatu suyu:

Naide nun sabe por qué, rellumante, moza entovía, rica y sana, sufre en tiempu terribles dolores que la dexen baldada. Son los güesos que nun olviden y falen pa que recuerde que ta viva, porque munches muyeres trabayaron no qu'odiaben, y que d'aquel odiu nacieron la so lluz y fuercia.

""Sentir que toi viva"". Xunta Xeneral del Principáu/Publicaciones Ámbitu. Uviéu, 2008."