Les habaneres y los cantares de sabor marineru tomen Xixón

El Centru Municipal Integráu Pumarín-Xixón Sur acueye un alcuentru de corales.

L'Agrupación Coral de Porceyo ye'l xerme d'esti IX Encuentro Coral de Habaneras y Canción Marinera de Gijón que se celebra dende güei y hasta'l sábadu cola participación de once formaciones asturianes y una lleonesa. La entrada pa cada xornada ye de baldre, pero ye necesario retirar invitación, que va tar disponible nel mostrador d'información del centru dende la xornada previa hasta 15 minutos enantes del comienzu de les actuaciones, previstu pa les 19.30 hores.

Esta tarde van inaugurar l'alcuentru la propia Agrupación Coral de Porceyo, la Masa Coral de Laviana y el Coro La Fuentina (Ribeseya), mentes que mañana va ser el turnu del Orfeón del Real Grupo Cultura Covadonga, el Coro Asturiano Gijón y l'Ochote Langreano. Completen estes xornaes el Coro San Roque Lastres, la Coral Asturiana de Gijón y l'Agrupacición Padre Coll (Llangréu), el vienres; y el Coro Las Almenas (Veiga), el Coro Castillo de Gauzón (Salinas) y el Coro Facundino (Sahagún); el sábadu.