Almitida a trámite la denuncia de l'Asociación d'Amigos del Texu

"El direutor xeneral de Patrimoniu, José Adolfo Rodríguez Asensio anunció hai pocos díes la so intención de facer un analís del Texu d'Abamia pa descartar que les obres de remocique de la ilesia tean xenerando-y daños y pa tranquilizar "" a los vocingleros que se dediquen a baillar delantre l'árbol"".

La rempuesta de l'Asociación d'Amigos del Texu, espresada al traviés d'un comunicáu de prensa y una denuncia almitida a trámite pol Tribunal Superior de Xusticia, manifiesta'l so ""esmolecimientu"" por unes declaraciones que ""nun faen casu de la normativa vixente"" y amuesen ""la confianza"" del direutor de Patrimoniu, pese a que, a xuiciu de l'Asociación ""ta actuándose de forma improvisada, irresponsable y chapucera"".

Asina mesmo alvierten de que les obres que tán llevándose a cabu al pie del texu tán afeutando al árbol protexíu con ""daños evidentes"", como queda conseñao nel informe nel que se basa la denuncia de l'Asociación ""que foi ellaboráu por ún de los espertos de mayor prestixu n'arboláu monumental"".

Asina mesmo denuncien que ""otru de los texos de la zona yá dexa ver los primeros síntomes de la zanxa, les escavaciones y les zapates"", polo que piden que, de facese l'analís qu'anunciara Rodríguez Asensio, ésta se faiga ""a plena lluz"" y ""baxo la direición de verdaderos profesionales con esperiencia na xestión d'arboláu monumental""."