El PP vascu adelanta a xunetu'l so congresu rexonal

"La Xunta Direutiva de los populares vascos acordó esti llunes, por 28 votos a favor, ún a la escontra y 29 astenciones, l'adelantu al mes de xunetu del congresu rexonal del partíu, previstu de primeres pa ochobre, atendiendo asina al pidimientu de la so presidenta, María San Gil, quien nun precisó si va presentase a la reeleición.

Esta decisión foi tomada tres cuatro hores de conceyu en San Sebastián, na que tomaron parte 50 miembros del PP vascu, y na que San Gil esplicó la so propuesta d'adelantu del Congresu y la so decisión d'abandonar la ponencia política del congresu nacional del PP.

San Gil manifestó la so ""falta de confianza"" hacia la direición del so partíu y la so propuesta. D'esta manera, los próximos 18 y 19 de xunetu va celebrase'l congresu del Partíu Popular vascu col envís d'anovar la so executiva."