Preséntase'l 'Vocabulariu de Santa Bárbola'

Nel stand de Radio San Martín en FEMEX.

L'autor del 'Vocabulariu de Santa Bárbola' ye Xulio Llaneces y nél recueye'l pallabreru d'esta parroquia de Samartín del Rei Aurelio. L'actu va celebrase a les 19.15 hores nel stand de Radio San Martín na Feria de Muestres y Esposiciones de Samartín del Rei Aurelio (FEMEX) y tres el mesmu, Llaneces va firmar exemplares ente los asistentes.

Aquelles persones que nun puedan acudir a la presentación van poder sentilo en direuto per Radio San Martín (107.1 FM) dientro del espaciu 'Al llau del llar'.