Álex Salmond pide convocar un referendum pa decidir la independencia d'Escocia

"El primer ministru británicu, Gordon Brown, comprometióse a facer ""lo que faiga falta"" pa caltener la unidá del Reinu Xuníu, nun contestu de creciente polémica pola demanda del cabezaleru del so partíu n'Escocia, Wendy Alexander, sobre la convocatoria d'un referéndum inmediatu n'Escocia, énte les previsiones del gobiernu nacionalista d'Álex Salmond de celebralu en 2010.

Na edición del domingu del diariu ""Daily Telegraph"", Brown pidió-yos a los partíos unionistes, a los empresarios y a los sindicatos que se sumaren a la llucha escontra los ""peligros de la separtación"" del Reinu Xuníu.

Amás aseguró que ta dispuestu a facer ""cualesquier cosa"" p'asegurar que ""la unión, que sirvió tan bien a Gran Bretaña y a los británicos, siga avanzando como tien que ser"". Asina, alvirtió de que ""delles cuestiones son más importantes que la política y necesiten un tratamientu acordies col interés común"". Sicasí aprovechó pa sofitar personalmente a Alexander, al que definió como ""un gran líder""."