Faustino Zapico fala del llevantamientu de 1808 na Tribuna d'Opinión

"Esti domingu 25 de mayu cúmplense 200 años dende que la Xunta Xeneral del Principáu d'Asturies proclamara la so soberanía y declarara la guerra a Francia. Con motivu d'esti fechu tán importante pa entender parte del nuestru pasáu, Asturies.com ufiértate, dientro de la so tribuna d'opinión, l'artículu d'ún de los mayores espertos nos acontecimientos de 1808, Faustino Zapico.

L'historiador, autor del llibru ""La revolución de mayu de 1808. O l´aniciu de la historia contemporánea d´Asturies"", fai un repás pelos acontecimientos del mayu asturianu, al tiempu que compara a la ""Asturies dueña del so destín"" espeyada nesos díes, cola que cuenta roblar un ""estatutu curtiu, ruin y pa nada amañosu"".

Na tribuna pónense amás sobre la mesa cuestiones como la ignorancia de la clas política d'anguaño del nuestru pasáu coleutivu, la consideranza del 25 de mayu como Día d'Asturies o la valoración de los acontecimientos del 25 de mayu como fechos de calter dafechamente revolucionariu."