La Coordinadora Ecoloxista diz qu'Asturies "nun pue ser la reserva enerxética de naide"

"El voceru de la Coordinadora Ecoloxista d'Asturies, Fructuoso Pontigo, refirióse esti xueves al llevantamientu de la moratoria d'instalaciones eóliques y aseguró que ""si hai dalgo claro ye qu'Asturies nun pue ser la reserva enerxética de naide"". ""Si cola supuesta moratoria yá tenemos un carráu de paques eólicos ¿qué va pasar a partir d'agora?"", entrugó Pontigo.

Nesti sentíu indicó que nestos momentos el Principáu yá produz más del doble d'enerxía de la que consume y añadió que si amás ""quieren poner 1.200 megawatios en molinos, ta claro qu'Asturies tendrá enerxía pa mediu país"", dalgo que dende'l so puntu de vista ""nun tien xacíu dengún"".

""Nosotros defendemos la enerxía eólica, pero lo que nun pue ser ye que si falen de caltener les centrales de carbón, si quieren poner centrales de gas, dos preses pa tener enerxía y pa enriba 500 molinos eólicos paeznos a esgaya"", dixo Pontigo en declaraciones a la prensa.

Dixo amás que la moratoria d'instalaciones eóliques que ""supuestamente"" esistía dende 2001 ""nun ye verdá"", porque dende'l so puntu de vista ""en toos estos años nun se dexó de construir y de solicitar parques""."