Convocada manifestación pal 8 de setiembre n'Uviéu

Esti 8 setiembre la iniciativa Lluchando Pola Soberanía llama a participar na manifestación que, col llema “Ganar la cai faciendo país”, va salir del uvieín Paséu Los Álamos a les 13:00.

La manifestación va cuntar con delles paraes temátiques a lo llargo del percorríu, tratando cuestiones diverses como les problemátiques de xéneru, ecoloxismu, LGTB..., a cargu de dellos coleutivos asturianos que trabayen eses y otres temátiques. Al final de la manifestación, habrá una xinta popular, xuegos tradicionales, música y folixa na Corrada l’Obispu, completando asina esta xornada reivindicativa na capital del país.

Nel manifiestu convocante, indiquen dende Lluchando Pola Soberanía que "son munches les problemátiques a nivel socioeconómicu, políticu, de xéneru, mediuambiental, cultural... y ante ello, ye evidente la necesidá d’un cambéu de rumbu n’Asturies: siguir construyendo y faciendo ver la necesidá d’un proyeutu de país, basáu en cuestiones básiques como la xusticia social, el desarrollu d’una axenda propia qu’atienda a los problemes y necesidaes del nuesu pueblu, y too ello dende l’autoorganización, porque ensin unes ferramientes organizatives feches por y pal pueblu asturianu, nun va ser posible dá-y la vuelta a la situación".

El llema de la manifestación quier reflexar un de los oxétivos básicos de los organizadores: "volver a salir a les cais, a la movilización popular, como meyor ferramienta de cambiu, y tamién d’autodefensa énte un panorama bien hostil pa les clases populares asturianes",