Conciertu de La Col.la Propinde en Mallorca

"El grupu de L.lena, La Col.la Propinde, viaxa esti fin de selmana a Mallorca pa tocar na ""Fira Medieval de Capdepera"", concretamente nel conciertu que tendrá llugar esti sábadu 17.

La Col.la Propinde naz nel conceyu de L.lena nel añu 2000, espublizando'l so primer discu ""L.l"" dos años dempués. Amás de les collaboraciones col rapetu Dark la eMe y nel discu ""Salú ya Dixebra. Perversiones"", edita un segundu discu ""Güeria"" y trabaya anguaño nel terceru.

Los componentes del grupu son: Manuel (Nel) como vocalista, Alex Domínguez a la guitarra y los coros, David Suárez (Cai), cola flauta, les xiblates y los coros; Cano na guitarra, Lluis Moro colos teclaos y curdión diatónicu, Ángel (Gelete) na batería, les percusiones y los coros, y Germán Gutiérrez col baxu llétricu."