XI Festival Internacional de la Gaita de Villaviciosa

A partir del xueves y hasta’l domingu Villaviciosa acoyerá una riestra d’actividaes y actuaciones nel so festival cola gaita como protagonista.

Xueves 1

El Festival arranca’l xueves 1 a les 17h. nel parque “El Pelambre” cola inaguración del Mercáu F.I.G. amenizáu con una bandina tradicional de la Banda Gaites Villaviciosa- El Gaitero. El Mercáu tará dedicáu a temática marinera y tará abiertu hasta les 22:00h. tolos díes del festival.

Les actividaes treslladense a la ilesia de la Oliva onde a les 22:00h. tendrá llugar l’espectáculu Nueche de la Gaita. Esti espectáculu, idega de Martín Poladura Berros, contará cola actuación de la Banda Gaites Villaviciosa-El Gaitero  con José Luis Llera, René Suárez y Rebeca Rebollo como gaiteros solistes;  como persusiones solistes tarán Edu Llosa y Dani Valdés. Esti conciertu contará con músicos invitaos como Fani Moro (voz y pandereta), Carlos Velasco (voz), Nel Sánchez (curdión), Javier Román (vigulín y bandurria asturiana), Dani Álvarez (gaita asturiana, uilleann pipes, flauta madera y bouzouki) y Moisés Álvares (guitarra acústica y llétrica).

Pa pesllar la xornada, nel Pub Trasgu a les 00:30h., conciertu del grupu cántabru CLANN faciendo versiones de folk escocés y jam-session pa tola xente que s’anime a tocar.

Vienres 2

Nel parque “El Pelambre”, de 12:00 a 15:00 y de 17:00 a 22:00h., sigue’l Mercáu F.I.G., amenizáu con música tradicional. Pela mañana correrá a cargu d’una parexa de gaita y tambor y pela tarde col Grupu de Baille “Trebeyu” de Xixón.

Ún de les actividaes destacaes del Festival ye’l  Taller de Gaita Asturiana impartíu por  José Manuel Tejedor que tendra llugar nel Centru Cultural San Xuan de Capistrano a partir de les 18:30h.

Magar les 22:00h la carpa principal d’El Pelambre acoyerá la II Nueche en Danza del FIG de Villaviciosa.  Cola participación de la Bandina Los Gascones, Cantaruxarre, y Escenariu Abiertu.

Sábadu 3

Nel Atenéu Obreru de La Villa, de 10:00h. a 18:00h., tendrá llugar el Taller de Fabricación de Payueles pa Gaita a cargu de Pelayo Fernández.

De 11:00h. A 20:30h., desarrollarase’l III Alcuentru de Luthiers d’instrumentos musicales tradicionales na carpa d’El Pelanbre.

Esti día cellebrase la XIX Fiesta de la Sidra na Plaza’l Güevu de 12:00h. a 15:00h. tará amenizada con actuaciones de la Banda de Gaites El Trubiecu (Villaviciosa) y de la banda de gaites “San Xoán de Paramos” (Galicia).

Pela tarde, entamará’l Pasucáis de Bandes de Gaites, cola participación de: B.G. El Trubiecu (Villaviciosa), B.G. El Gumial (Morea), B.G. Candás (Candás), B.G. Conceyu Siero (La Pola Siero), B.G. llariegu (Sariegu), B.G. La Laguna del Torollu (Uviéu), B.G. San Xoan de Paramos (Galicia) y B.G. Castro Bergidum (El Bierzu). Estes bandes llegarán a la Plaz’l Güevu, y desfilarán hasta’l Parque d’El Pelambre onde tendrá llugar el XI Festival de Bandes de Gaites del FIG de Villaviciosa. Amás de les bandes participantes, farán una actuación los veteranos de la Banda Gaites Villaviciosa – El Gaitero.

Un de los platos fuertes ye la  Nueche folk cola actuación de Tejedor, el Conciertu Pueyes (30 Aniversariu de la Banda Gaites Villaviciosa, Hermanamientu col Folkomillas Festival, y X Aniversariu de Naheba) y cerrará’l conciertu el grupu Dixebra.

DOMINGU 4

Esti domingu pela mañana, los chigres de La Villa sedrán l’escenariu de les actuaciones de la Bandina Los Gascones, Banda de Gaites Castro Bergidum (El Bierzu) y Banda de Gaites Villaviciosa-El Gaitero.

Como novedá pa esta edición del festival,  va celebrase’l  I Certamen F.I.G. de Canción Asturiana. Coles voces de Patricia Pariente, Celestino Rozada, Lorena Corripio, Marcelino Vitorero y Carlos Velasco, y a la gaita tará Arturo Alonso “TURU”.

Nel Teatru Riera, a les 19:30h., tendrá llugar el VI Concursu de Gaiteros Solistes “Memorial José Huerta”.

Esti concursu pieslla cuatro díes intensos d'actividaes y conciertos d'esti Festival Internacional de Gaita de Villaviciosa.