Convocáu'l IX Concursu de Gaiteros de Bimenes

"El conceyu de Bimenes convoca'l IX Concursu de Gaiteros, nel que van participar los diez primeros gaiteros o gaiteres, menores de 21 años, que s'inscriban enantes del plazu del 30 de xunu.

El concursu va tener llugar el sábadu 5 de xunetu a les 18.00 hores en Xenra (Bimenes), nel marcu de la XII Fiesta de la Oficialidá de la Llingua Asturiana.

Los concursantes habrán d'interpretar dos temes, ún perteneciente a la llista propuesta pola organización y que pue consultase nes bases, y otru llibre.

Na interpretación será requisitu l'emplegar la gaita asturiana (con un solu roncón) y l'usu del traxe'l país.

La organización establez trés premios de 300, 200 y 100€ respeutivamente."