Aragón recurre énte'l Constitucional la compra de derechos d'agua

"L'Executivu d'Aragón decidió esti xueves, nel so conceyu estraordinariu del Conseyu de Gobiernu, presentar un recursu d'inconstitucionalidá escontra l'artículu 3 del Real-Decretu Llei aprobáu pol Gobiernu d'España y confirmáu pol Congresu de los Diputaos, pol que va executase un tresvase del ríu Ebru a Barcelona y el so entornu.

L'executivu d'Aragón encamienta a la Generalitat de Cataluña a nun aplicar el decretu al nun tar yá en situación d'emerxencia hídrica.

El vicepresidente del Gobiernu d'Aragón, José Ángel Biel, indicó en rueda prensa que l'artículu recurríu autoriza la compra-venta de derechos d'usu d'agua a los usuarios de la cuenca l'Ebru, ensin que se solicitara un informe preceptivu al Gobiernu d'Aragón, como ordena l'Estatutu d'Autonomía d'Aragón, lo que torga'l decretu, yá convertíu en llei, n'inconstitucional. No que cinca al restu del decretu, l'executivu d'Aragón anunció que nun tien intención de recurrilu."