La Escuela de Música Tradicional d'Uviéu abre plazu de matrícula

"La Escuela de Música Tradicional abrirá'l llunes el plazu de matrícula pal cursu 2008-2009. Les matriculaciones van poder formalizase hasta'l 20 de xunu, según informó l'Ayuntamientu al traviés d'una nota prensa.

La Escuela ufierta cursos de gaita, tambor, baille, cordión, rabel, zanfona, tonada, investigación folclórica, preescolar y baille infantil.

Los alumnos podrán recibir clases en diferentes puntos del conceyu como Les Campes, La Corredoria, Pumarín, Ciudá Naranco, Trubia, Otero y el Carlos Tartiere.

L'horariu de matriculación será de 10.00 a 13.00 y de 16.00 a 19.00 hores, de llunes a vienres nel Nuevu Estadiu Carlos Tartiere."