Intermón Oxfam píde-y a Repsol que respete los derechos indíxenes

"La ONG Intermón Oxfam denunció esti miércoles énte la xunta d'aicionistes de Repsol YPF el ""maltratu"" de la petrolera a los pueblos indíxenes y pidió-y a la compañía que respete a estos grupos, a lo que'l presidente de la compañía, Antonio Brufau, retrucó diciendo qu'anguaño la empresa trabaya na ellaboración d'un decálogu d'actuación que garantice'l respetu a estes comunidaes.

La ONG foi a falar na xunta por cuenta de la robla de propietarios de 82.000 aiciones, y dixo que taba faciéndolo en defensa de los intereses d'alredor de 34 millones d'indíxenes repartíos en 14 países del mundu.

Según la organización, Repsol nun respeta los derechos de la Declaración de Naciones Uníes y tien d'afitar una ""política de respetu"" pa colos pueblos indíxenes. Los representantes d'Intermón Oxfam pidieron poder facer consultes ""llibres, previes ya informaes"" sobre los proyeutos de la petrolera, nes que queden conseñaos procedimientos ""claros"". Estes consultes seríen daqué asemeyao a una ""llicencia social pa operar"", y pa elles la ONG diz cuntar coles robles de 11.000 ciudadanos."