Los muertos nel terremotu de Sichuán aumenten hasta los 15.000

"El balance del terremotu de 7,9 graos na escala de Richter que sacudió'l pasáu llunes la provincia de Sichuán, nel suroeste de China xube yá a 14.866 víctimes mortales, según informó l'axencia estatal de noticies Xinhua.

Nel epicentru del seísmu, Webchuan, siete helicópteros del Exércitu chinu llanzaron esti miércoles en paracaíes 9,1 tonelaes de materiales d'ayuda. Según fontes del Mandu Militar de Chengdu, la capital provincial, los primeros dos helicópteros tiraron alimentos, agua potable y melecines na población de Yingxiu. Amás, los helicópteros tamién llevaron a 45 firíos al hospital, según informó la mesma fonte.

Una unidá del Exércitu equipada con teléfonu móvil llogró entrar en paracaíes en Wenchuan, que siguía incomunicáu polos cortes de carretera provocaos pol seísmu. Les autoridaes chines yá decidieran, a primeros de selmana, facer llegar en paracaíes ayuda y personal hasta Wenchuan pero la operación tuvo que retrasase poles lluvies."