Finó Gustavo Bueno

Esti domingu en Niembru a los 91 años.

El filósofu rioxanu residente n'Asturies dende'l 1960 morrió ayeri dos díes depués de que lo fixera la so muyer, Carmen Sánchez Revilla, de 95 años. Desarrollador del materialismu filosóficu, corriente que tuvo una repercusión amplia nel Estáu, destacó poles sos polémiques declaraciones y llegó a tener un pesu mediáticu importante fuera del ambiente académicu pola so intervención n'alderiques televisivos.

Mientres la so estancia n'Asturies, Bueno amosó una falta de respetu fonda pola llingua y la cultura del país, llegando a ser ún de los cabezaleros d'Amigos de los Bables. Esti coleutivu nacíu nel 1988, que contó un importante sofitu de los medios de comunicación asturianos, trató per tolos medios de torpediar el procesu normalizador de la llingua asturiana al venceyalu col nacionalismu escluyente, amás de negar la categoría d'idioma del asturianu.