Echen a andar los Xuegos Olímpicos de Rio de Janeiro con nueve asturianos

A la una de la madrugada d'esti sábadu, hora asturiana, van dar comienzu de manera oficial los XXXI Xuegos Olímpicos de la época moderna, qu'organiza la ciudá brasileña de Rio de Janeiro. Asturies va tar representada por nueve deportistes.

La siempre esperada ceremonia inaugural va poder vese per La 1 de TVE, col prendíu del pebeteru previstu pa les 3.40 hores, dando asina por comenzaos unos xuegos marcaos pola improvisación de la organización y la contaminación de les agües de Rio que van afeutar a los deportistes de delles modalidaes deportives.

Asturies va tar representada en Brasil por nueve deportistes que van competir baxo bandera española y catarí. Éstos son Sergio Álvarez Moya y Gerardo Menéndez (hípica), Javier Hernanz (piragüismu), María López (ḥockey), Estela García (atletismu), Jorge Díaz y Jorge Llames (tiru deportivu) y Berta García (rugby), a los qu'hai que sumar al ex xugador de baloncestu, agora de balonmanu, Borja Vidal, que compite con Qatar.