Los trestornos del sueñu, na charra de la UABRA

Va ponela'l médicu Xesús González Rato.

L'actividá na Universidá Asturiana de Branu (UABRA) nun apara, cola primer tanda de los cursos 'Cursos d’Afondamientu Cultural y Llingüísticu’ y el de Gallego-asturiano (segunda fase) llegando al so tramu final. Tres el conciertu d'ayeri d'Alfredo González y Silvia Quesada, güei ye'l turnu d'otra conferencia nel salón d’actos de la Escuela-Hogar de Cangas del Narcea, con comienzu previstu pa les 19 hores.

Nesta ocasión la charra protagonízala'l médicu especialista en Neurofisioloxía Clínica, responsable de la Unidá de Sueñu del HUCA, González Rato, que va falar de 'Los trestornos del sueñu: dormir de más, dormir de menos'.