La concentración de CO2 na atmósfera

"La concentración de dióxidu de carbonu (CO2) na atmósfera acaba algamar una cifra récord a nivel mundial, 387 partes por millón (ppm) según les midiciones del Observatoriu Loa Mauna, en Hawai (Estaos Xuníos).

Estos datos representen una xuba de cuasi'l 40 por cientu dende la revolución industrial y la cifra más alta nos caberos 650.000 años. Los datos, recoyíos pol Departamentu Oceánicu y Atmosféricu Nacional d'Estaos Xuníos y qu'espubliza'l diariu ""The Guardian"", tamién confirmen que'l CO2, principal gas d'efeutu invernaderu, ta acumulándose na atmósfera más rápido de lo esperao.

L'observatoriu hawaianu vien midiendo'l dióxidu de carbonu na atmósfera dende 1958 y marcó'l crecimientu mediu hasta'l 2000 en 2,1 ppm, demientres qu'ente 1970 y 2000 foi de 1'5 ppm. Los investigadores camienten qu'esti cambiu podría amosar que la Tierra ta perdiendo la so natural capacidá p'absorber millones de tonelaes de CO2 al añu. Nesti sen, alvierten de que si una mayor cantidá de CO2 sigue na atmósfera, les emisiones tendrán de baxar más de lo previsto pa evitar niveles peligrosos de calentamientu global."