Alonso comprométese a caltener les plantiyes de les escueles de 0 a 3 años tres les crítiques recibíes

Nun va haber retayos nel plantiyes de les escueles de 0 a 3 años pal cursu viniente, según confirmó'l conseyeru Genaro Alonso. Les crítiques recibíes dende sindicatos y dellos conceyos del país lleven a la conseyería a rectificar y anular los recortes previstos.

Alonso señaló que’l so departamentu pretende reforciar l'atención y la calidá educativa nesta etapa, una de les prioridaes del Executivu pa esta llexislatura. Tamién recordó que la propuesta de plantiya que se mandó a los conceyos el pasáu 20 de xunetu ye provisional y acordies coles previsiones actuales de matrícula, qu'inda nun ta cerrada.

Amás, indicó que se dio un plazu de 15 díes naturales a los conceyos pa que presenten alegaciones. Una vegada trescurríu esi plazu, la conseyería va responder a toes elles, pero siempres cola mira de caltener el mesmu númberu d'educadores qu'hai na actualidá, un total de 529, pal cursu escolar viniente.

Ente los oxetivos prioritarios de la Conseyería d'Eduación y Cultura figura l'análisis de la situación actual del primer ciclu d'Educación Infantil. Cuando se conoza'l diagnósticu real, la previsión ye definir un modelu de xestión de les escueles infantiles consensuáu con conceyos, families y organizaciones sindicales.