El 69 por cientu de los llectores d'Asturies.com vio bien la suspensión del conciertu de Francisco

La suspensión del conciertu que Divertia tenía contratáu con Francisco por mor de los sos comentarios sobre la vicepresidenta de la Generalitat Valenciana, Mónica Oltra, foi una decisión correuta pal 69 por cientu de los nuesos usuarios. El cantante fixo declaraciones machistes en redes sociales.

La entruga plantegada nel nuesu últimu 'Conceyu Abiertu' foi '¿Ve bien la suspensión del conciertu de Francisco en Xixón polos sos comentarios sobre Mónica Oltra?'. Un 69 por cientu votó pola opción 'Sí, porque nun se pueden permitir declaraciones d'esi calter', mentes qu'un 31 por cientu nun vio apropiada la decisión de la empresa pública al entender que 'nun se deberíen mecer les opiniones d'un artista col so llabor profesional'.

El conciertu del cantante alcoyanu taba previstu pal 15 de xunetu nel Teatru Xovellanos, pero unes declaraciones feches en redes sociales provocó una corriente de crítiques que finó cola suspensión de l'actuación. Francisco contestó a en Facebook a una intervención d'Oltra sobre'l resultáu eleutoral del 26-X con términos como "malñacida y incómoda de ver" y recomendó-y "pollardón y pichicilina. Eso sí, si hai un valiente que nun tenga estómagu".

Dende esti momentu yá ye posible participar nun 'Conceyu Abiertu' nuevu. Nesta ocasión queremos conocer la opinión de los nuesos llectores sobre la decisión del Comité Organización del Descensu Internacional del Seya sobre la negativa a permitir participar a la piragua de Manuel Busto y Beatriz Manchón en categoría senior y poder ocupar asina puestos de salida na prueba del sábadu.