Felpeyu y Vrienden van actuar esti vienres nel Ribeseya Folk

El vienres va celebrase una edición nueva del Ribeseya Folk na plaza Reina María Cristina d'esta villa del oriente del país. La bandina de gaites de la Escuela de Música, con Roberto 'Rigu' Suárez como direutor, va abrir el certame, que va contar coles actuaciones de Felpeyu y Vrienden.

L'Asociación de Músicos de Ribadesella (AMUR) entama esti conciertu de baldre que va dar aniciu a les 22.30 hores. Los presentes van poder ver n'aición en primer llugar a los mozos y moces de la bandida de gaites de la Escuela de Música que dirixe Rigu, que van contar cola collaboración de la bandina infantil El Trubiecu de Villaviciosa en trés cantares.

Darréu van llegar los platos fuertes del Ribeseya Folk, esto ye, el grupu de folk fusión Vrienden, que va tocar temes del so álbum últimu, 'Uve', y Felpeyu, histórica formación de la música asturiana que cumple 25 años y que ta trabayando nos cantares de los que será'l so discu nuevu.