El segundu trimestre del añu rexistró 300 paraos más nel país

El númberu de paraos n'Asturies asitióse en 91.200 persones nel segundu trimestre del añu, lo que supón un medra del 0,29 por cientu con respeuto a los trés primeros meses del 2016. Sicasí, el paru baxó del 19,5 al 19,29 por cientu nel país por mor del incrementu del númberu d'activos.

L'Instituto Nacional de Estadística (INE) fixo güei públicos los datos de la Encuesta de Población Activa, nos qu'Asturies destaca de forma negativa por ser ún de los seis territorios nos que xubió'l paru. Asina, el nuesu país rexistró un aumentu del 0,29 por cientu, asitiándose detrás de Melilla (12, 49 por cientu), La Rioja (8,70 por cientu), Canarias (5,47 por cientu), Aragón (0,56 por cientu) y Ceuta (0,52 por cientu).

Por contra, el descensu mayor diose n'Illes Balears (26,06 por cientu), Cantabria (18,32 por cientu) y Murcia (14,67 por cientu). Nel conxuntu del Estáu, el paru baxó en 216.700 persones p'asitiase en 4.574.700, siendo la tasa del 20 por cientu, un puntu menos que nel trimestre anterior.