Convocaos los Premios Lliterarios 2016

La Conseyería d'Educación y Cultura convoca los premios lliterarios en llingua asturiana pal añu 2016.

El 25 de xunetu publicóse nel BOPA les convocatories pa los premios lliterarios en llingua asturiana correspondientes a esti añu. Los premios, como n'ediciones anteriores, son:

• Premiu «Xosefa Xovellanos» de Novela (37.ª edición).
• Premiu «Xuan M.ª Acebal» de Poesía (22.ª edición).
• Premiu «Máximo Fuertes Acevedo» d'Ensayu (22.ª edición).
• Premiu «María Josefa Canellada» de Lliteratura Infantil/Xuvenil (9.ª edición)
• Premiu «Alfonso Iglesias» de Cómic (8.ª edición).

El plazu de presentación d'orixinales acaba'l 30 de setiembre del 2016. Equí pues consultar los estractos de toles convocatories.

Na pasada edición los ganadores fueron:

• Premiu Xosefa Xovellanos de novela (36º edición): El premiu recayó nel escritor Francisco Álvarez pola so novela Lluvia d’agostu.
• Premiu Xuan María Acebal de poesía (21º edición): L'escritor Antón García ganó esti premiu pola so obra Ferralla.
• Premiu Máximu Fuertes Acevedo d'ensayu (21º edición): El premiu recayó nel escritor José Ángel Gayol pola so obra Vértigu.
• Premiu María Josefa Canellada de lliteratura infantil y xuvenil (8º edición): L'escritor Vicente García Oliva resultó ganador de la octava edición del premiu María Josefa Canellada por Fontenebrosa III: el final .
• Premiu Alfonso Iglesias de cómic (7º edición): El músicu y diseñador gráficu Rumaldo Antón Barbero de Diego, Ruma Barbero, resultó ganador  por El viaxe a la lluz. 

Semeya: Ganadores edición 2015