SUATEA desixe la salida de l'asignatura de "Relixón" del horariu del Bachilleratu

"El sindicatu Suatea aseguró esti llunes que ""ún de los pocos aspeutos positivos, sinón l'únicu, de la propuesta de borrador del nuevu curriculum de Bachilleratu p'Asturies, ye la posibilidá d'impartir la materia de relixón como optativa y fuera del horariu escolar"". Por ello llamentaron que ""la presión del ""lobby"" de les sotanes y los sos acólitos tea siendo más fuerte"" y desixeron la salida definitiva de l'asignatura del horariu de bachilleratu.

Al traviés d'un comunicáu, Suatea manifestó que ""esi ""lobby"" llevantáu por una mecigaya de sectores, instituciones ya intereses católicos saltaron nel intre, acostumáu como ta a mantenese nuna situación de privilexu"" en cuantes que conocieron la propuesta.

Asina llamentaron que la presión del mundu católicu yá diera frutos nes comunidaes de Cantabria, onde quitaron una hora llectiva selmanal d'Historia d'España; y en Galicia, onde nel primer cursu Educación Física queda namás con una hora selmanal, demientres qu'en segundu elimínase la tutoría, ""pese a la importancia que tien de cara a les P.A.U y la orientación universitaria"".

El sindicatu manifestó amás, que nun tien d'escaecese que lleven bien d'años falando de la baxa preparación de munchos universitarios pola mor d'un bachilleratu de baxa calidá, lo qu'españa cola intención de siguir trabayando nuna ""asignatura adoctrinadora""."