Presentación del doblaxe de "Diez negrinos"

Esta presentación abre les activides del Arcu Lliterariu.

Del 23 al 31 de xunetu, nel marcu del V Festival Arcu Atlánticu, va celebrase una edición nueva del Arcu Lliterariu. Esta estaya ta centrada na lliteratura asturiana y na normalización,   ta organziada pola Asociación Cultural L'Arribada.

La presentación de 'Diez negrinos (And then there were none)', filme dobláu al asturianu por Gonzali Producciones , va abrir a les 19 hores del sábadu les actividaes del Arcu Lliterariu na carpa instalada n'El Muelle, onde van desendolcase la mayoría d'elles. Pal día siguiente tán previstos tres alderiques sobre la lliteratura en llingua asturiana titulaos "Ferramientes de promoción de los escritores n'Asturianu", "Los concursos lliterarios y los sos formatos", y "Lliteratura en llingua asturiana y medios de comunicación".

El Festival Arcu Atlánticu va inagurase'l 22 de xunetu con un conciertu del grupu musical De Vacas. Entre otres actividáes, tendremos el sábadu  pasucais folclóriucu colos grupos Trebeyu (Asturies) y Rancho Folclórico de San Pedro da Raimonda (Portugal), y una muestra musical del noroeste peninsular cola participación de los grupos Trebeyu (Asturies), Rancho Folclórico de San Pedro da Raimonda (Portugal) y Ars Antiqua (Galicia). Na nueche del sábadu podremos participar na "Nueche en danza" pa disfrutar del baille y la música tradicional. Pal domingu, el gaiteru Celso Díaz presentará el so nuevu proyectu discográficu D2, y a les 22:30h. nel Centru Antiguu Institutu actuaran los pandereteros gallegos Afoutos.