La lliteratura y la mar centrarán el próximu Salón del Llibru Iberoamericanu

"L'escritor chilenu, Luis Sepúlveda, direutor del Salón de Llibru Iberoamericanu, dixo na mañana del llunes nel CCAI, que'l balance de la selmana foi ""plenamente satisfactoriu y positivu"".

Los datos apurren un total de 12.000 llibros vendíos, cifra que perpasa llixeramente la del añu pasáu, y la participación de 158 editoriales.

Sepúlveda anunció que'l próximu añu'l Salón tará dedicáu a la lliteratura y la mar y avanzó qu'en xunetu s'estudiará la creacción d'un premiu específicu pal festival lliterariu."