Les actividaes del Salón del Llibru Iberoamericanu treslládense al Botánicu

"El próximu domingu 11 de mayu tendrá llugar, nes instalaciones del Xardín Botánicu Atlánticu de Xixón, la entrega del premiu de poesía Alonso Ercilla. Acompañará esti actu un recital de poesía protagonizáu por escritores de les dos orielles.
El XI Salón del Llibru Iberoamericanu, qu'esti añu tien como tema central la Lliteratura y el Mediu Ambiente, quier averar a esti nuevu espaciu natural los actos lliterarios, cuntando yá ente les actividaes coles visites guiaes al Botánicu que protagonizaron a lo llargo la selmana dellos colexos asturianos acompañaos por escritores d'orixe chilenu.

La entrega del premiu Alonso Ercilla va tener llugar a les 11.30 hores de la mañana del domingu, y tres el fallu del mesmu entamará'l recital de poesía nel que participarán los escritores: Francisco Álvarez Velasco, Carlos J. Martinez, Alberto Masala (Italia), Sebastian Abad (Arxentina), Heddy Navarro (Chile), Elicura Chiuailaf (Chile) y Bruno Serrano (Chile) y el guitarrista Americo Appiano (Chile).

L'actu será presentáu pol escritor asturianu Miguel Rojo y la chilena Carmen Yañez."