Absueltu'l xixonés acusáu de formar parte del coleutivu Anonymous

Rodrigo Tuero foi xulgáu en Xixón xunto con dos catalanes. Los trés lideraben supuestamente la organización nel Estáu.

Ente los delitos que se-yos acusaben taben ataques informáticos contra la Xunta Eleutoral Central, el sindicatu UXT y la web del Congresu y de los partíos PSOE, PP y CiU, pa lo que'l fiscal pidía hasta cinco años de cárcel pa caún. Finalmente, la sentencia del Xulgáu númberu 3 de Xixón absuelve a Tuero y a los catalanes José María Zaragoza y Yuri David López de dichos delitos afirmando que nun queda acreditáu la so pertenencia a Anonymous.

La razón d'esta decisión básase na ausencia d'indicios incriminatorios nidios y l'anulación de les pruebes presentaes pola Policía contra los acusaos. Otra manera, la sentencia podría nun ser definitiva, yá que ye recurrible énte la 'Audiencia Provincial'.