Gotor diz qu'asume'l cargu pa "sirvir" y non "sirvise" de la Universidá

"El nuevu rector de la Universidá d'Uviéu, Vicente Gotor Santamaría, dixo esti xueves na so toma de posesión, que pa él la Universidá ye un ""fin en sí mesmu"" y non una plataforma ""de promoción personal"".

Gotor defendió qu'asume'l cargu pa ""sirvir a la universidá y non pa sirvime de la universidá"". Comentó que tanto él como'l so equipu va responder con ""trabayu, trabayu y trabayu"" na so nueva responsabilidá. Gotor fizo estes declaraciones na so intervención nel actu solemne de la toma de posesión como rector, actu que tenía llugar dempués de la so victoria nes últimes elecciones al Rectoráu.

Tamién intervinieron nel actu'l presidente del Principáu d'Asturies, Vicente Álvarez Areces, y el rector saliente, Juan Vázquez; asistiendo amás numberoses autoridaes y personalidaes polítiques, sociales y académiques, ente elles los alcaldes d'Uviéu y Xixón, Gabino de Lorenzo y Paz Fernández Felgueroso respeutivamente, y el delegáu del Gobiernu n'Asturies, Antonio Trevín. Nel actu se guardó un minutu de silenciu pola muerte ayeri del decanu de Filosofía, Santiago González Escudero.

Na so intervención, Vicente Gotor Santamaría dixo que nun va aforrar esfuerzos pa llograr que la Universidá d'Uviéu seya ""visible"" y ""qu'ocupe'l llugar que-y correspuende""."