La Conseyería pon-y el puntu a la Selmana con una ofrenda floral

"Los actos de la XXIX Selmana de les Lletres qu'entamaren esti llunes cola presentación de la Selmana nel Centru Municipal d'El Coto, finarán mañana vienres, Día de les Lletres Asturianes, cola presentación de les obres completes de MªTeresa González y la ofrenda floral nel parque que lleva'l so nome.

Nel tributu floral participará, ente otres autoridaes, la direutora de Promoción Cultural y Política Llingüística, Consuelo Vega, amás de representantes de la familia de l'autora ya instituciones venceyaes a la llingua asturiana.

El parque ""MªTeresa González"", allugáu en Tremañes, barriu de nacencia de l'autora xixonesa, foi resultáu de la pitición espresa que-y ficieron al Ayuntamientu de Xixón delles asociaciones y particulares del conceyu. Esti va ser el llugar escoyíu, a les 12.00 hores de la mañana, pa rindí-y homenaxe a l'autora que vien centrando toles actividaes de la selmana. Más tarde, a les 13.00 hores, el Centru de Cultura Antiguu Institutu será l'escenariu de la presentación de les ""Obres Completes"", un llibru presentáu nuna guapa edición de la que ye responsable Trabe."