Vecinos de Cabueñes presenten 2.900 alegaciones al Plan Parcial

"La Plataforma Ciudadana escontra'l Muru de Cabueñes presentó esti miércoles alredor de 2.600 alegaciones escontra'l Plan Parcial de Cabueñes, tal y como-yos comunicó a los periodistes la vocera de la Plataforma Cristina Moreno.

Moreno, que tuvo acompañada pol miembru de la Plataforma Francisco Díaz Cadórniga, aseguró que'l Plan ""vulnera la llei"", criticando asina mesmo'l ""talante prepotente"" de l'edil d'Urbanismu del Ayuntamientu de Xixón, Pedro Sanjurjo, al que-y pidió qu'escuche a los vecinos y reconsidere'l proyeutu.

El nomáu Muru de Cabueñes, cuenta llevantar na parroquia de la zona rural de Xixón un total de 655 viviendes d'ente seis y cinco plantes con un vial de seis carriles que queda estrecháu dempués en dos carriles ensin arcén. Na mesma parroquia s'asitien l'hospital, el colexu públicu Cabueñes, la Universidá Llaboral, el campus universitariu y el xeriátricu."