Música, teatru y poesía danse cita na Biblioteca d'Asturies

"Dientro de los actos de la Selmana de les Lletres Asturianes entamaos pola Conseyería de Cultura y Turismu del Principáu d'Asturies, esti xueves 8 de mayu a les 20.00 hores, tendrá llugar l'espectáculu ""Ñacerán otres nueches como esta"", actu que fai alcordanza de la figura de MªTeresa González y que se desarrollará na Biblioteca Ramón Pérez d'Ayala d'Uviéu.
L'espectáculu, que fai por axuntar nun mesmu escenariu la poesía, el teatru y la música; cuntará cola presencia de dellos de los artistes más sobresalientes de la mocedá asturiana.

Asina, los músicos qu'intervendrán van ser: Xuan Nel Expósito, Rubén Bada, Andrea Joglar y Toli Morilla, que nel so discu ""Nueche d'insomniu"" ya musicara'l poema de MªTeresa González, ""Abrázame y dibuxa"".

D'otru llau, les actrices Isabel Friera, Carmen Gloria García, Marisa Vallejo y Luz María del Sol; interpretarán los testos de l'autora xixonesa.

Pa finar, y a mou de relevu xeneracional de la poesía n'asturianu, intervendrán los autores: Sergio Gutiérrez Camblor, Alejandra Sirvent, Elisabeth Felgueroso y Pablo Rodríguez Alonso, ganador del premiu de poesía Teodoro Cuesta na so edición del añu 2005."