Los sindicatos convoquen una concentración de protesta pol "desarrollu de la carrera profesional"

"Los sindicatos UXT, CC.OO, Usipa, Simpa, Satse y USAE convocaron pa esti xueves una manifestación n'Uviéu pol desarrollu de la carrera profesional na Alministración autonómica. Los sindicatos consideren que se ta faciendo ""un desarrollu irresponsable aplicando la carrera únicamente a una parte del personal"".

Al traviés d'un comunicáu, los sindicatos sorrayen que ""la carrera y desarrollu ye un derechu de tolos emplegaos de l'Alministración Asturiana y, dende Función Pública, se mos discrimina de manera vergoñosa creando emplegaos públicos de segunda"".

Por esti motivu, les Federaciones de Servicios Públicos y d'Enseñanza d'UXT y les Federaciones de Sanidá y d'Alministraciones Públiques de CC.OO convoquen a les 11 hores de mañana una concentración énte la Sede de Presidencia. A la convocatoria se sumó Usipa, Satse, Simpa, AMPE y USAE."