Andecha Astur pide la declaración de "fiesta nacional" pal Día de les Lletres

"La formación Andecha Astur ta acabante de pidir formalmente, énte la Xunta Xeneral del Principáu d'Asturies, la declaración del Día de les Lletres Asturianes como festivu ""n'honor a la más grande seña d'identidá de tolos asturianos"".
Dende la formación señalen que la declaración del Día de les Lletres como festivu respuende a lo que yá se ficiera ""n'otros países del Estáu"". Nesi sen citen la postura de les formaciones del PSOE y PP n'Asturies, de los qu'esperaríen que ""caltengan ente la nuesa llingua les mesmes posiciones polítiques que los sos compañeros de Galicia, Cataluña, Valencia, Islles Baliares, País Vascu o Navarra"". Pela contra, califiquen de ""inalmisible, totalmente antidemocrático y propio de xenocides culturales, que nesta segunda reforma del estatutu d'autonomía nun s'oficialice la Llingua Asturiana, como ye sabío ente les llingües en peligru d'estinción según la UNESCO y que gocie, décades después, del mesmu estatus que yá tienen otres llingües nel Estáu español"".

Sicasí, y nel casu de que se declarara la oficialidá, Andecha Astur camienta que'l Día de les Lletres tendría de siguir siendo ""un día de vindicación nel Día Les Lletres. Perafitámonos na necesidá de que'l Día de Les Lletres Asturianes seya una xornada de vindicación pola dignificación y la normalización social del asturianu"".

No tocante a la reforma del estatutu, la formación manifiéstase a favor ""d'un Estatutu Nacional p'Asturies qu'avance faza la soberanía y l'autodetermín"", y nesi sen denuncien ""les postures que vienden más competencies por más soberanía. Nun hai porcentaxes de soberanía, la soberanía o se tien o nun se tien"". Poro, finen, ""un Estatutu Nacional p'Asturies que nos reconoza como nación, que garantice los derechos que-y asisten al Pueblu Asturianu como comunidá nacional que ye y la oficialidá de la Llingua Asturiana, qu'asegure'l poder políticu pa la recostruición nacional y que reconoza'l protagonismu de les clases trabayadores y populares pa la tresformación social""."