Avilés celebra les Xuntes d'Escolinos

"L'alcaldesa d'Avilés, Pilar Varela, sorrayó esti llunes na celebración de les ""Xuntes d'escolinos d'Avilés"" na Casa de la Cultura, el poder de poner en valor la llingua asturiana al traviés de la obra de la escritora MªTeresa González.

Varela faló de la figura de MªTeresa por ser una muyer carauterizada pola so dura infancia y el trabayu qu'entamó dende mui moza. ""Siempre lluchó por meyorar les sos condiciones de vida, y qu'una persona con estes carauterístiques seya motivu de trabayu pa los escolinos ye mui interesante"".

Los actos de ""Les xuntes d'escolinos"" entamaron cola presentación de les actividaes diseñaes pa esta edición y dedicaes, en coincidencia colos actos programaos pola Conseyería de Cultura, a la figura de la escritora asturiana MªTeresa González.

La primer xornada contó cola participación de los alumnos de Primaria de los distintos colexos d'Avilés y comarca, demientres que na segunda que siguirá esti martes, los protagonistes serán los de Secundaria y Bachilleratu.

Ente les actividaes previstes rescamplen les representaciones teatrales, los recitales de poesía o les actuaciones musicales interpretaes polos alumnos participantes. Poniéndo-y el ramu a estes xuntes, los escolinos y escolines asistirán a una representación de teatru de la compañía Nun Tris."