AXA presenta'l so informe "L'agonía d'una llingua europea"

"L'Aconceyamientu de Xuristes pol Asturianu recueye, nel so tercer informe - denuncia ""L'agonía d'una llingua europea"", l'actitú del estáu español pa cola llingua asturiana, actitú que califiquen de ""arrequexamientu y desamparu"".

L'informe, que se presenta coincidiendo colos actos de la Selmana de les Lletres Asturianes, quier amosar ""la braera cara que los gobiernos español y asturianu tán poniéndo-y, per cincuenta y ún selmanes al añu, a la llingua de nós: la represiva"".
El testu, que cuenta presentase énte'l Conseyu d'Europa, recuéyense ""14 nueves normes y dos proyeutos que vinieron, nos caberos cinco meses, a enanchar la discriminación llegal del asturianu n' estayes tan estremaes como'l desendolcu sostenible medioambiental; la educación infantil y profesional, el bachilleratu y la formación del profesoráu; na carrera fiscal y nel tratu nos tribunales de xusticia; na espublización de les normes; nel Nomenclátor Xeográficu Básicu d'España; énte l'Axencia Estatal d'Alministración Tributaria; nes rellaciones coles fuerces armaes y obligaciones de la Guardia Civil; na producción y distribución cinematográfica; na sociedá de la información; o nel Sistema Arbitral de Consumu"".

L'Aconceyamientu de Xuristes pol Asturianu vien denunciando dende hai bien de tiempu les vulneraciones de los drechos llingüísticos n'asturies al traviés de bayura d'aiciones ente les que s'atopen la ellaboración d'esti tipu d'informes."