Les frases del día 16 na campaña eleutoral

PP - Mercedes Fernández, presidenta del PP d'Asturies: "Gracies Mariano Rajoy polos tos esfuercios a favor del campu asturianu".

Foro - Isidro Martínez Oblanca, númberu dos de la llista al Congresu: "Impulsar el puertu d'El Musel y fortalecer la nuesa industria ye crucial pa revitalizar la economía asturiana y crear emplegu".

PSOE - Adriana Lastra, cabeza de llista: "Comprometémosnos a defender la industria y a los sos trabayadores".

Podemos - Sofía Castañón, cabeza de llista: "Dicimos non a la ruptura del ciclu de 0 a 3 años. Soi contraria a unviar a les nueses neñes y neños a partir de 2 años a los centros d'educación Infantil".

Izquierda Xunida - Manuel González Orviz, númberu 3 de la llista al Congresu: "Javier Fernández y el PSOE equivóquense si empobinen el tiru escontra Izquierda Xunida y Xuníos Podemos. Los adversarios son el PP y les sos polítiques. A quien tenemos de ganar ye al Partíu Popular y la espresión que tien que manifestar nesti casu, más allá del encaloramientu, dende la posición sele qu'acostuma ye dicir si a partir del 27, cuando cuando vaya al comité federal del Partíu Socialista, va defender esi alcuerdu con Xuníos Podemos pa favorecer el gobiernu d'un bloque de cambéu o va caltener esa actitú favorable a la continuidá d'un gobiernu de les dereches".

Ciudadanos - Nacho Prendes, cabeza de llista: "Hai recuperar la independencia del poder xudicial".