El conceyu de Xixón pon en marcha una campaña pa xeneralizar l'usu de la toponimia

"Dos años dempués de que'l conceyu de Xixón aprobare la so toponimia tradicional, el conceyal de Cooperación, Cultura Tradicional y Política Llingüística del Ayuntamientu de Xixón, Jesús Montes Estrada, acaba de presentar una campaña na que lo que se pretende ye normalizar l'usu de los topónimos que, por embargu, foron los que se caltuvieron la fala tradicional del conceyu.

La campaña, que xuega col personaxe d'un topu nomáu ""Toponimio"", va desarrollase al traviés de cartafueyos informativos y publicidá nos medios, asina como la posibilidá de consultar el Diccionariu Toponímicu del Conceyu de Xixón ellaboráu pol filólogu Ramón d'Andrés.

El testu ufiérta-yos a los ciudadanos una visión más completa de la toponimia del so conceyu o parroquia, al traviés de la espublización del estudiu ellaboráu pola Xunta Asesora de Toponimia onde apaecen un total de 750 entraes ordenaes alfabéticamente y referentes, en dellos casos, a toponimia mayor y menor de la zona.

Caún de los topónimos cuenta col nome oficializáu del topónimu, la clave cartográfica del so asitiamientu, la formación del topónimu acordies cola so etimoloxía, y nel so casu, delles referencies al llugar y les referencies históriques y documentales que se conserven."