Rajoy afirma que Zaplana foi un "estraordinariu" voceru

"El presidente del Partíu Popular, Mariano Rajoy, afirmó esti martes qu'Eduardo Zaplana foi ""un estraordinariu"" voceru parlamentariu na pasada llexislatura y manifestó la so esperanza de que ""siga collaborando"" col partíu ""na midida que-y seya posible"", dempués de la so incorporación a Telefónica.

En declaraciones a los medios presentes nel Congresu, Rajoy destacó que'l propiu Zaplana foi la persona que decidió ""cambiar d'actividá y pasar a un segundu planu"", ya indicó que ya-y dio les gracies pol so trabayu nel conceyu del Grupu Parlamentariu Popular, nel que Zaplana yá nun llegó a participar.

Pela so parte, la vocera del PP nel Congresu, Soraya Sáenz de Santamaría, alvirtió que'l so grupu parlamentariu vien desarrollando nesta llexislatura una oposición ""igual"" a la que fizo l'ex voceru Eduardo Zaplana nos cuatro años que tuvo nel so cargu, y defendió'l llabor del ex dirixente ""popular"" siendo ""firme"" en temes ""mui difíciles"".

Sáenz de Santamaría calló asina les voces qu'indiquen que cola marcha d'Eduardo Zaplana a Telefónica va finar la etapa de confrontación, y avisó de que l'actual equipu del Grupu Popular va facer oposición ""firme nos temes nos que faiga falta"". La vocera parlamentaria sorrayó en que la pasada llexislatura foi ""mui importante"" y ""mui difícil en munchos temes que nun elixó'l PP"", ""l'axenda política márcala'l Gobiernu, si quier otru tipu de llexislatura espero qu'escueya mui bien los temes y qu'atienda a les propuestes d'acordies col PP"", sorrayó."