La ONU y el Bancu Mundial piden midíes pa encarar la crisis alimentaria

"Les Naciones Uníes y el Bancu Mundial alcordaron esti martes la creación d'un grupu de trabayu especial pa ser a encarar la xuba ensin precedentes del preciu de los alimentos, según informó la ONU. ""Camentamos que la dramática escalada de los precios de los alimentos en tol mundu ta evolucionando hasta convertise nun desafíu ensin precedentes mundiales que supón una crisis pa los más probes del mundu, ente ellos los habitantes de les ciudaes"", esplicó la ONU dempués del aconceyamientu de los sos muérganos en Berna. ""El desafíu ta teniendo dixebraos efeutos, y l'impactu más importante ye la crisis alimentaria de los más vulnerables"".

Naciones Uníes, amás, fizo un llamáu p'acabar coles midíes que frenen les esportaciones y que tán tomándose en dellos países cola fin d'asegurar el suministru a los sos ciudadanos, alertando de qu'esto podría empeorar tovía más la situación.
Pela so parte, el presidente del Bancu Mundial, Robert B. Zoellik, pidió-y a la comunidá internacional 485 millones d'euros pa diseñar una aición conxunta énte la crisis humanitaria producida pol encarecimientu del preciu los alimentos, qu'amenaza la sobrevivencia de 2.000 millones de persones.

Nun comunicáu emitíu dempués del aconceyamientu de Naciones Uníes en Berna, Zoellik recordó que, pesie a los 305 millones d'euros prometíos, ""los compromisos nun alimenten les boques famientes"", polo que-yos pidió a los países donantes que ""pongan les perres enriba la mesa""."