Conciertu del grupu Tuenda

El grupu de folk Tuenda, formáu por Elias García, bouzouki de Llan de Cubel, Pepín de Muñalén, flautista de La Bandina'l Tombo y XoséAmbás, cantante de N'Arba, va actuar esti miércoles 30 d'abril dende les 21:30 h nel Café Trisquel de Xixón. La formación, que ta preparando'l que va ser el so segundu discu, fai un recorriu pel folclor d'Asturies, recoyendo sones y estilos de la nuesa música tradicional, dalgo no que tien muncho que ver el llabor de Xosé Ambás, que lleva más d'una década recoyendo temes tradicionales d'informantes de tola xeografía asturiana.