El 63 por cientu de los llectores d'Asturies.com va caltener el votu

El 26 de xunu van celebrase unes eleiciones estatales nueves tres la imposibilidá de los partíos de llegar a alcuerdos pa conformar gobiernu. El 63 por cientu de los nuesos usuarios que participaron en 'Conceyu Abiertu' afirmó que va caltener el votu, mentes qu'un 17 por cientu aseguró que nun va volver a acudir a les urnes.

La entrugada plantegada nesta ocasión yera '¿Va caltener el votu nes eleiciones estatales del 26-X?', con una mayoría de llectores que apuntaron pol 'Sí', un 63 por cientu. Un 20 por cientu señaló pela so parte que tien pensao camudar d'opción política'l 26 de xunu, por un 17 por cientu desencantáu que nun va volver a votar.

Dende esti momentu yá ye posible participar nun 'Conceyu Abiertu' nuevu. Nesta ocasión queremos conocer la opinión sobre la subvención de 25.000 euros col que'l Gobiernu ayudará a aquellos mozos que creen empreses non agrícoles en zones rurales col oxetivu de fixar población.