cuerpo "EL Centru d'Artesanía de Poo abre esti martes l'amuesa ""Madera hominizada vestida en el telar"". L'amuesa xunta muebles y talles decoratives de Victoria Casielles con prendes y tapices de Pilar Quintana. <BR><BR>Rescampla'l diseñu y acabáu impeca

"La Seición Segunda de la Sala de lo Penal de L'Audiencia Nacional acaba refugar la entrega a Arxentina de la ex presidenta María Estela Martínez, más conocía como ""Isabelita"" Perón, persiguida pola xusticia del so país pola presunta implicación nos crímenes de la Triple A y na desapaición de dos ciudadanos arxentinos.

El tribunal, presidíu pol xuez Fernando García Nicolás, camienta qu'estos delitos nun entren na categoría de ""lesa humanidá"" y que, poro, yá prescribieron.

Según esplica'l tribunal en dos autos fechos públicos esti llunes, los delitos que podríen venceyase con ""Isabelita"" son en tou casu d'asociación ilícita de la Triple A - que prescribe a los 10 años - y de detención illegal no tocante a la desapaición de los dos ciudadanos, que prescribe a los 20. Los maxistraos nun atoparon señales, na documentación apurrida dende Arxentina, de delitos de ""lesa humanidá"", los únicos que nun prescriben.

La ""Alianza Anticomunista Argentina"", conocida como la Triple A, foi una organización parapolicial d'ultraderecha a la que se rellaciona con unos 1.500 asesinatos. Les muertes tuvieron llugar durante los años setenta, sobre manera na presidencia de Martínez de Perón y el ministeriu de Bientar Social de José López Rega. Por embargu la única actuación direutamente venceyada cola ex presidenta arxentina ye la participación, el 8 d'agostu de 1974, nun aconceyamientu onde se proyeutaron semeyes de persones que seríen asesinaes por ""actividaes subversives"". Sicasí la so asistencia ""nun indica nada"", porque ""que viera les imáxenes nun indica que decidiera les execuciones""."