Cúmplense diez años del vertíu d'Aznalcóllar

"Investigadores españoles llamenten que l'accidente de la mina de cobre de Boliden Apirsa, n'Aznalcóllar (Sevilla), que contaminó 63 quilómetros de cauce y 4.634 hectárees de tarrén, nel entornu del Parque Nacional de Doñana, nun valió pa que se tomaren midíes pa evitar accidentes asemeyaos, cuando se cumplieron diez años de la traxedia. Los espertos alvierten amás de que, nesti casu, foi una traxedia anunciada pola ciencia.

Asina'l Presidente del Conseyu Superior d'Investigaciones Científiques (CSIC), César Nombela, alvertía nel momentu del vertíu que ""había de deprendese d'ello"", lo que significaba que n'otres situaciones tendría d'actuase dende'l primer minutu, ensin esperar instrucciones de naide, pa estudiar lo que ta pasando, facelo público y proponer soluciones si tán clares.

""Por embargu, cuando lo del ""Prestige"" na seronda de 2002, cuatro años más tarde, nun se fizo asina dende'l primer momentu"", apuntó.

Na mesma llinia, l'actual direutor de la Estación Biolóxica de Doñana, Fernando Hiraldo, camienta que'l matrimoniu ""ciencia - sociedá"" nun funcionó otra vuelta. ""Nun se si aprendimos la llección. Quiero creer que sí, pero tengo duldes. Viendo cómo se llevó'l proyeutu de la mina de ""Las Cruces"", y los sos elementos contaminantes abocanando tamién nel Guadalquivir, camiento que non. Nun ye que'l proyeutu, yá en marcha, nun cumpla la Llei, taría bueno, ye que fai falta xenerar un alderique muncho más intensu y pensáu a llargu plazu""."